Zinemaldiaren bideotekak onlineko espazio bat jartzen du industriako profesional akreditatuen esku, izena emandako filmak streaming bidez ikusi ahal izan ditzaten Zinemaldiaren lehen egunetik hura amaitu eta hilabetera bitartean.

Edozein ordenagailutan ikus daitezke filmok, eta Zinemaldian bertan ere bai, The Industry Clubek gure gune fisikoan ikustea nahiago dutenen esku jarritako monitoreetan.
Film hauek ikusi ahal izango dira:

• Zinemaldiaren atal guztietan hautatutakoak, baldin eta horretarako baimena eman badute.
• Plataforman izena emandako film hautatu bakoitzeko, salmenta-eragilearen katalogoko beste film bat, urtekoa.
• Europa eta Latinoamerika arteko Koprodukzio Foroan hautatutako proiekturen bat duten zuzendarien lehenagoko filmak.

Cinandok (Cannesko zinema-jaialdiko Marché du Film ekimenak sortutako industriako profesionalentzako plataforma) kudeatzen du bideoteka.

TSI-020110-2009-51