The Industry Club Zinemaldiaren Industria Saila da, eta akreditatutako profesionalek beren bilerak antolatu eta filmak ikus ditzakete bertan. Filmatutako nahiz produkzio-fasean dauden obren publizitate-gaiak ipintzeko erakusmahaiak ditu. Gainera, alde batetik proiektu berrietan parte hartzea eta haiekin kooperatzea bultzatu eta, bestetik, filmetarako nazioarteko finantzaketa eta sustapen bide berriak ireki nahi dituzten jarduerak antolatzen dira.

Bestalde, Latinoamerikako eta Europako zinematografietarako erreferentziako plataforma bilakatzeko apustua egin du; hala, Europa-Latinoamerika I. Koprodukzio Foroa jarri du abian 2012an. Foro horrek Latinoamerikarekin harremanak estutzera zuzendutako Zinemaldian aurretik zeuden ekimenak osatzen ditu. Asmo horrekin, Zinema Eraikitzen ekimena Zinemaldiaren Industria Sailaren parte izatera igaro da, eta profesionalentzako jarduera garrantzitsuenetako bat da.

Gainera, espazio ireki bat sortu da, profesionalek giro lasaian egin ditzaten harremanak eta esperientziak truka ditzaten.

Industry Clubek zerbitzu hauek eskaintzen ditu:

• Interneterako sarbidea duten ordenagailuak
• Online Bideotekaren edukia bakarrik ikusteko ekipoak
• Bilera-gelak (Industry Clubekin aldez aurretik erreserbatuta eta adostuta)
• Espazio zabala bilerak giro lasaian egin ahal izateko
• Dokumentazioa duten erakusmahaiak
• Publizitate-orrialdeak kontratatzeko aukera

Kontaktua:

• Saioa Riba
  (Industria Arduraduna)
   
• Esperanza Luffiego
  (Industria Arduraduna)
   
• Telefonoa: +34 943 48 12 17
  industryclub@sansebastianfestival.com
  www.sansebastianfestival.com