Aholkulari berezia eta harreman publikoak

• Britainia Handia 

Ginger Corbett
SHERIFF
Mugikorra: +44 (0)7802498549
Tel: +44 (0)2077234223
E-mail: ginger@queensboroughstudios.com

 

Ordezkariak
       

• AEB/ASIA (EKIALDEA) 
  Bérénice Reynaud 
  California Institute of the Arts, School of Film and Video 
  24700 McBean Parkway
  Valencia CA 91355 - USA
  Mugikorra: +1 3234936022
  Tel: +1 323 2599898 - Fax: +1 323 2599897
  E-mail: berenice3@earthlink.net 
   
• AUSTRIA/ALEMANIA/SUITZA
  Christine Dollhofer
  Crossing Europe / Graben 30
  4020 Linz (Austria)
  Mugikorra: +43 6645397888
  E-mail: christine@sansebastianfestival.com
  
  
• ESKANDINAVIA 
  Marianne Slot 
  10, rue Sainte Anastase
  75003 Paris (France)
  Tel: +33 1 49966262 - Fax: +33 1 49966263
  E-mail: slot@slotmachine.fr 
  
  
• ERDIALDEKO/EKIALDEKO EUROPA
  Matthieu Darras 
  99, Rue du Faubourg Saint-Denis
  75010 Paris (France)
  Mugikorra: +33 632617026
  E-mail: matthieudarras@yahoo.com
   
• FRANTZIA/BELGIKA/KANADA
  Alex Masson
  30 Avenue Gallieni
  93130 Noisy-le-Sec (France)
  Mugikorra: +33 663619059
  E-mail: grozillaleretour@gmail.com
   
• JAPONIA
  Yuri Kubota
  #1102, 2-3-8 Mukogaoka
  Bunkyo, Tokyo 113-0023 (Japan)
  Mugikorra: +81 9036923772
  E-mail: kyuri712@aol.com
  
  
• HEGO KOREA
  Darcy Paquet
  KPO Box 1142, Gwanghwamun
  Seoul 110-611 (South Korea)
  Mugikorra: +82 1062107882
  Fax: +82 2 9863026
  E-mail: darcy@koreanfilm.org
   
• LATINOAMERIKA
  Federico Veiroj
  José Ellauri 973, piso 1005
  Montevideo 11300 (Uruguay)
  Mugikorra: +598 99055699
  E-mail: federico@sansebastianfestival.com

GINGER CORBETT
BRITAINIA HANDIA

Corbett & Keene-ren zuzendari fundatzailea da. Corbett & Keene, gerora Premier PR izena hartuta, nazioarteko harreman publikoetan munduko liderretako bat bihurtu da, eta harreman publikoetako entretenimenduan (tartean, zinema, telebista, bideoa, DVDa, jokoak eta probak) espezializatu da. Aurretik zinemagintzaren industriaren barruan aritu zen lanean, publizista eta produkzio-laguntzaile gisa. Bere karreraren hasieran argitalpenetan eta publizitatean aritu zen. BAFTAko kidea da eta Londresen bizi da.

MATTHIEU DARRAS
ERDIALDEKO/EKIALDEKO EUROPA

Matthieu Darras NISI MASA europar gazteen zinemagintzaren sarearen sortzailea eta zuzendaria da eta 70 bat film proiektu jarri ditu martxan 20 herrialde baino gehiagotan 2001etik aurrera. Hamabi urtez aritu da idazten Positif  frantziar zinema-aldizkarian. Cannesko Kritikaren Asteko hautaketa-batzordeko ohiko kidea da 2005etik. Matthieu Darras Italiako Alba Film Festival-eko zuzendarikidea izan zen 2008an eta 2009an, eta Eslovakiako IFF Bratislava film jaialdiko zuzendari artistikoa, 2009an eta 2010ean. Torino Film Lab-eko lehen eta bigarren film proiektuak aukeratzen ditu eta Jerusalem International Film Lab-erako proiektuak bilatzen ditu.

CHRISTINE DOLLHOFER
AUSTRIA/ALEMANIA/SUITZA

Christine Dollhoferrek Vienako Unibertsitatean egin zituen antzerki, zinema eta kazetaritza ikasketak eta film eta jaialdien munduan ari da lanean 1991tik. 1992 eta 1997 artean cinema Filmcasino Vienako Artearen Etxeko zuzendari artistikoa eta orokorra izan zen, eta 1997 eta 2003 artean Austriako Diagonale zinema jaialdiko zuzendari artistikoa eta orokorra izan zen. Sixpack Filmeko batzordekidea da, eta Austrian Film Fund-eko eta Vienna Film Fund-eko hautaketa-batzordeko kidea eta hainbat nazioarteko zinema jaialdietako epaimahaikidea izan da. 2006tik Austriako Filmladen banaketa-konpainiako erosketa-aholkulari gisa egiten du lan. 2004an sortu zuen -eta oraindik  zuzentzen du- Crossing Europe zinema jaialdia Linzen, Austrian.

YURI KUBOTA
JAPONIA

Japoniar konpainia batean agente komertzial gisa mundu osoan lanean aritu ondoren, Yuri Kubota japoniar zinema sustatzen hasi zen produktore independenteen talde batean, New Cinema from Japan katalogoan (1998-2003) eta, ondoren, UNIJAPAN elkartean (2003-2008). Freelance gisa, japoniar filmeen aurre-aukeraketan aritu da lanean nazioarteko film jaialdietarako, tartean, Friburgoko eta Manheimeko film jaialdietarako eta Donostiako Zinemaldirako. Produkzio koordinatzaile gisa aritu da lanean Japonian filmatzen zuten kanpoko filmaketa-taldeekin, baita Frantzian filmatzen zuten Japoniako filmaketa-taldeekin ere.

ALEX MASSON
FRANTZIA/BELGIKA/KANADA

Frantziar komunikabideetako (Les Inrockuptibles, Premiere, Brazil, Standard, Radio Nova...) zine-kritikaria 1990etik. Extreme Cinémaren, komertzialak ez diren filmei zuzendutako jaialdiaren sortzailekidea (Toulouseko Zinemateka, 1998tik). Cannesko Kritikaren Asteko hautaketa-batzordeko kidea 2008 eta 2010 artean. L’autre cinéma Belge/Belgian Cinema from Flanders belgikar zuzendari gazteei egindako elkarrizketa-bildumaren egilea. Donostiako Zinemaldiko ordezkari gisa ari da lanean 2008tik.

DARCY PAQUET
HEGO KOREA

Darcy Paquet koreanfilm.org web gunearen, korear zinemagintzari buruzko kritikak eta informazioa jasotzen dituen ingelesezko iturri nagusietako baten, sortzailea da eta New Korean Cinema: Breaking the Waves liburuaren egilea da (2009, Wallflower Press). Azken hamar urteetan zinema-kazetari moduan aritu zen lanean; gaur egun asiar filmei buruzko kritikak idazten ditu Screen Internationalentzat, eta Cine21 korear astekariarentzat idazten du. Zinema-irakaslea da Koreako Unibertsitatean eta Kyung Hee Unibertsitatean. Bostonen jaio zen, erraz hitz egiten du korearrez, eta Seulen bizi da 1997tik.

BÉRENICE REYNAUD
AEB/ASIA EKIALDEA

Nouvelles Chines, nouveaux cinémas (Paris, 1999) liburuaren eta Hou Hsiao-hsien-ren A City of Sadness (Londres, 2002) filmaren gaineko azterketaren egilea. Luze idatzi izan du, txinatar zinemari eta bideogintzari buruz, AEBetako zinema independenteari eta esperimentalari buruz, queer zinemari eta emakumeek egindako zinemari buruz, besteren artean, Sight & Sound (Erresuma Batua), Film Comment (AEB), Cinema Scope (Kanada), Senses of Cinema (Australia), Cahiers du cinéma, Le Monde diplomatique, Libération (Frantzia), Meteor, Springerin (Austria) eta Nosferatu (Espainia) aldizkari eta egunkarietan. Donostiako Zinemaldiko ordezkaria da 1993tik, Jeu de Paumeko Galeria Nazionaleko (Paris), New Yorkeko Arte Modernoko Museoko, eta UCLA Film & Television Archive-ko (Los Angeles) zinema eta bideo saileko laguntzailea izan da, eta Roy and Edna Disney/CalArts Theater-eko (Los Angeles) film saileko komisariokidea da. Reynaud Kaliforniako Arte Institutuko irakaslea da.

MARIANNE SLOT
ESKANDINAVIA

Marianne Slot daniar jatorriko frantziar produktorea da. Slot Machine produkzio-konpainia independentea sortu zuen Parisen 1993an, eta kritikak, bai Europan, bai nazioartean, goraipatutako film sorta zabala egin du. Marianne Slotek Lars von Trierrekin lan egin du Breaking the Waves (1996) eta Antichrist (2009) filmetan. Bent Hamerrekin eta Thomas Vinterbergekin ere aritu da lanean Eskandinavian. Marianne Slotek film ugari produzitu ditu Latinoamerikan; besteak beste, Lucrecia Martelen, Lisandro Alonsoren, Albertina Carriren and Paz Encinaren filmak produzitu ditu. Oraindik orain, ondorengo film hauek produzitu ditu: Be Good (EFAren 2009ko Discovery Sarietarako izendatua) Juliette Garciaren lehen zuzendaritza-lana, Hélène de Crécyren Escort dokumentala, Marian Crisanen Morgen (Epaimahaiaren Sari berezia Locarno 2010en) eta Malgoska Szumovskaren Sponsoring. Gaur egun, Marion Vernouxen Mon Prochain, Susanne Bierren The Bald Hairdresser eta Marcia Romano frantziar zuzendari hasiberriaren lanak ari da produzitzen. Marianne Slot Eskandinaviako ordezkaria da Donostiako Zinemaldian 1998tik, Frantziar Zinema Institutuko (CNC) zenbait batzordeko eta frantziar finantza-erakundeetako kidea da, eta Parisko Daniar Etxeko zuzendaritza-batzordeko kidea da.

FEDERICO VEIROJ
LATINOAMERIKA

Gizarte Komunikazioan lizentziatua da Uruguaiko Unibertsitate Katolikoan. Lau urtez Espainiako Filmotekan lan egin zuen, eta Cinemateca Uruguaya elkarteak antolatutako Uruguaiko Nazioarteko Zinemaldiko programazioa aukeratzeko lanetan ere hartu zuen parte. 1996. urteaz geroztik, film laburrak ekoitzi eta zuzentzen ditu. 2008an, bere lehen film luzea, Acné, zuzendu eta koproduzitu zuen; film hori Cannesko Zinemaldiko Errealizadoreen Hamabostaldian estreinatu zen 2008an eta Donostia Zinemaldiko Zinema Eraikitzen sailean, Los Angelesko AFI zinemaldian, Habanako Zinemaldian eta Txileko SANFIC jaialdian saritu dute. Acné Hego Amerikako film onenaren sarirako izendatu zuten Goya sarietan. La vida útil (2010) Federico Veirojek zuzendu eta ekoitzitako bigarren film luzea da. 2010eko abuztuan estreinatu zuten Uruguain eta irailean nazioarteko ibilbideari ekin zion Torontoko Nazioarteko Zinemaldian. Aipamen berezia lortu zuen Donostia Zinemaldiko Kutxa-Zuzendari Berriak Sarian eta Varsoviako Zinemaldian, eta lehen sari korola Habanako Zinemaldian. Valdiviako Zinemaldian ere saritu dute Veirojen bigarren filma.