EUSKALTEL GAZTERIAREN SARIA

EUSKALTEL GAZTERIAREN SARIA 7 CAJAS, Juan Carlos Maneglia, Tana Schémbori (Paraguai)

Estatu osotik eta atzerritik etorritako 200 gaztek osatzen dute Gazteriaren Epaimahaia. Epaimahaikideak ikastetxe edo zinema-eskoletako 18tik 21 urtera bitarteko ikasleak dira, denen artean, zozketa bidez edo norbere motibazio-gutunei erantzunez aukeratutakoak. Epaimahaian parte-hartzea, beraz, borondatezko ekintza da eta Gazteriaren saria jasotzeko aukera duten filme guztiak ikusteko konpromezua dakar. Hauek, Horizontes Latinos Saileko zuzendarien lehen eta bigarren lanak, eta Zuzendari Berriak Saileko filmeak dira. Beraz, batez – beste gazteek hiru film ikusiko dituzte egunean.

Gazteriaren Epaimahaikideek, egunean bi bozka egingo dituzte; goizeko eta arratsaldeko azken proiekzioak eta gero, alegia. Honetarako Gazteriaren Sariaren patrozinatzaile den Euskaltelek jarritako autobusera joko dute. Bozka sistema elektroniko baten bidez, epaimahaikide bakoitzak 0 eta 10 puntu artean emango die ikusitako filmeei. Botazioen emaitza egunero iragarriko da Zinemaldiko egunkarian eta Zinemaldiko web orrialde ofizialean, baita Kursaaleko ate ondoan kokaturiko pantailan.

Epaimahaiko gazteek eurek antolatzen dute sari-ematea. Sarituari dagokion plaka Kursaaleko Ganbera aretoan antolatutako Gazteriaren Itxiera Ekitaldian ematen da, film irabazlea berriro proiektatu aurretik.

Gazteriaren Saria zerikusia duten ekitaldiei amaiera emateko festa bat antolatuko da Donostiako diskoteka ezagun batean, bertan gazteei pelikuletako lan-taldeekin biltzeko gonbita luzatzen zaielarik..

Azken urteetako film irabazleak, honako hauek izan dira:

• 1999 AGNES BROWNE, Anjelica Huston (AEB-Irlanda)
• 2000 FÖRE STORMEN / BEFORE THE STORM, Reza Parsa (Suedia)
• 2001 ELLING, Peter Naess (Norvegia)
• 2002 REAL WOMEN HAVE CURVES, Patricia Cardoso (AEB)
• 2003 NOVIEMBRE, Achero Mañas (Espainia)
• 2004 IN MY FATHER'S DEN Brad McGann (Zelanda Berria-Britainia Handia)
• 2005 AUPA ETXEBESTE!, Asier Altuna eta Telmo Esnal (Espainia)
• 2006 KUNSTEN AT GRÆDE I KOR / THE ART OF CRYING Peter Schønau Fog (Dinamarca)
• 2007 CARAMEL Nadine Labaki (Libano-Frantzia) 
• 2008 AMOROSA SOLEDAD Martín Carranza eta Victoria Galardi.
• 2009 MIN DÎT / THE CHILDREN OF DIYARBAKIR Miraz Bezar
• 2010 ABEL Diego Luna
• 2011 WILD BILL, Dexter Fletcher (Erresuma Batua)