Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Joe Alwyn (1991) aktore britainiarrak Literatura Ingelesa eta Antzerkia ikasi zituen Bristolgo Unibertsitatean, eta geroago, Royal Central School of Speech and Drama ikastetxean. Ang Leek zuzendutako Billy Lynn’s Long Halftime filmari izena ematen dion paperarekin egin zuen debuta 2016an. 2017an, Ritesh Batrak Julian Barnesen liburuan oinarrituta zuzendutako The Sense of an Ending (2017) filmaren protagonistetako bat izan zen, Jim Broadbent, Charlotte Rampling eta Emily Mortimer aktoreekin batera. Operation Finale (Chris Weitz, 2018) pelikulan Klaus Eichmannen rola egin zuen; Oscar Isaac eta Ben Kingsley antzezleak ere izan zituen filmak. 2018an bi filmetan hartu zuen parte: batetik, Joel Edgertonek zuzendu eta antzeztutako Boy Erased, Russell Crowe eta Nicole Kidmanekin; bestetik, Mary Queen of Scots (Josie Rourke, 2018), zeinetan Margot Robbiek eta Saoirse Ronanek ere parte hartu baitzuten. Urte horretan, halaber, Urteko Gizonezko Errebelazio Aktorearen Chopard Trophy Saria eskuratu zuen Cannesko zinema-jaialdian. 2019an, Harriet (Kasi Lemmons) filmean egin zuen lan aktore gisa, Cynthia Erivo, Leslie Odom Jr eta Janelle Monae artistekin batera, eta Charles Dickensen A Christmas Carol kontakizunaren egokitzapen batean (BBCk sortua) ere egin zuen lan, Stephen Graham eta Guy Pearcerekin. Yorgos Lanthimosen The Favourite txalotuan ere agertu zen, Emma Stone, Rachel Weisz eta Olivia Colman aktoreekin. Datorren urtean Alwynek Last Letter from Your Lover (Augustine Frizzell) lanean hartuko du parte, Felicity Jones eta Shailene Woodley aktoreekin batera, baita BBC Films ekoiztetxearen The Souvenir: Part II filmean ere, Tilda Swinton eta Richard Ayoade antzezleekin batera.
Astelehenetik ostiralera: 09:00 - 14:00 | 16:00 - 19:00.