72 Donostia Zinemaldia - 2024ko irailak 20/28
72SSIFF - 2024ko irailak 20/28
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Zabaltegi
Filmak
Filmak
Zabaltegi
Zabaltegi
Virginia García del Pino
Espainia
65 min.
Basilio Martín Patinok bederatzi gutun bidali zizkion Bertari 1966an. Ia berrogeita hamar urte geroago, Virginia García del Pino hamargarrena idazten saiatu da. Basilio Martín Patinok eta biek partekatutako gutuna, nortasun iheslariaren erretratua. Patinok berak emandako aginduan oinarrituta, «egin behar denari buruzko manu guztiak ahaztea», Bertari 1966an idatzi zion ikasle errebelde harengandik zer geratu den aztertzen du (gutun horien inguruko filma Martín Patinoren zinema-ibilbide bikainaren hasiera izan zen).
Kaouther Ben Hania
Tunisia - Frantzia - Arabiar Emirerri Batuak
90 min.
2012an Donostia Zinemaldiko Zinema Mugimenduan sailean izan ondoren, Kaouther Ben Hania zuzendariaren film hau Dubaiko zinema-jaialdian lehiatu zen. Motoziklista bat Tunisiako kaleetan dabil, bizarra egiteko laban bat eskuan, bidean topatzen dituen emakume sexyenen ipurmasailak mozten. Pelikulak, ironia erabiliz, hiri-kondaira baten atzean ezkutatzen diren katramilak kontatzen ditu eta Tunisiako gizarte asaldatua irudikatzen du: gizonak, beren tokiaren bila, eta emakumeen gorputza, auzi politikotzat hartua.
Gianni Amelio
Italia
93 min.
Gianni Ameliok Berlingo zinema-jaialdiko Panorama sailean aurkeztu zuen zoriontasunaren eta berdintasunaren aldeko mende bateko borrokaren inguruko ikuspegi hunkigarri hau; oraindik aurrera jarraitzen duen borroka baten ingurukoa, hain zuzen. Fikzioa baino errealitatea aztertzea nahiago duen kamera batek azaldutako Italia ezkutatua, inoiz ezagutarazi gabekoa: gayen Italia, XX. mendean bizi izan zen bezala.
Alex Gibney
AEB
119 min.
Oscar sari baten irabazlea den Alex Gibney zuzendariak Fela Anikulapo Kuti ospetsua, afrobeat mugimendu musikalaren sortzailea, aztertu du bere dokumental berrian. Haren bizitzaren, musikaren eta herri zapalduen eskubideen defendatzaile gisa izan duen garrantzi politikoaren ingurukoa da filma. Nigeriak demokraziaranzko bidea hartzea eragin eta mundu osoan politika panafrikanista bultzatu zuen.
Koldo Almandoz
Espainia
10 min.
Film laburra
Umetan sorgin-orratzekin amestu zuen eta bere ametsa beteta hil zen motor arloko aitzindari baten istorioa.
Urich Seidl
Austria
85 min.
UIrich Seidlek Veneziako zinema-jaialdian aurkeztuko du bere lan berriena. Austriarrek beren sotoekin daukaten harremana deskribatzen saiatzen da pelikula, baita Austriako sotoen berezitasunak definitzen ere… edo egiazki berezitasunik baduten zehazten.
Borja Cobeaga
Espainia
80 min.
Borja Cobeagaren komedia berriko protagonista Manu Aranguren da, ETArekiko negoziazioetan Espainiako Gobernuaren mintzaide gisa aritzen den euskal politikaria. Laster, ekintza serio eta ondo pentsatua izan ordez, elkarrizketa kasualitateek, akatsek edo gaizki-ulertuek baldintzatuko dutela ikusiko da. Ramón Barea, Carlos Areces eta Josean Bengoetxea dira protagonistak.
Francisco Sánchez Varela
Espainia
95 min.
Dokumental hau ez da Paco de Lucíaren bira baten jarraipen fisiko hutsa, haren arimarako hurbilpen bat baizik: haren oroitzapenetarako hurbilpena, nahigabea, interesa edo aho betean barre egitea eragiten zioten gauzetarako hurbilpena. Flashbacken bitartez, Paco de Lucía bera narratzaile bakarra dela, haurtzarotik azken egunetarainoko tartea kronologikoki aletzen du. Mallorcan eman zituen azken egunak, hain zuzen ere, hil ondorengo diskoko azken moldaketak egiten.
Pierre-François Limbosch
Frantzia
75 min.
Stephen Frearsen Harreman arriskutsuak filmeko protagonista izan zenetik 22 urtera, John Malkovichek antzerkirako egokitzapen bat zuzendu zuen, Parisko Théâtre de l'Atelier antzokian. Aktore gaztez osatutako talde batekin egindako lan hori antzerkiarekin lotuta egoteaz gain, bizitzari buruzko irakaspen hunkigarria da.
Bruno Dumont
Frantzia
200 min.
Bruno Dumontek zuzendutako telesail honetako atal guztien emanaldia. Boulonnais eskualdeko kostaldeko herri txiki bateko krimen bitxien ikerketa polizial sinesgaitz eta eszentrikoaren istorioa da. Herria gaizkiaren eta P'tit Quinquinek eta haren kutuna den Evek zuzendutako gaizkile gazteen talde baten mendean dago.
Gabe Polsky
AEB
85 min.
Dokumental hau Cannes, Mosku eta Torontoko jaialdietan aukeratu zuten eta Sobietar Batasunari eta bere kirol-historiako dinastia loriatsuenari buruzkoa da: Armada Gorriaren hockey taldeari buruzkoa. Taldeko kapitain Slava Fetisoven ikuspegitik kontatuta, heroi nazionala etsai politiko bilakatzera nola igaro zen azaltzen du. Gerra Hotza izotz pistetan jokatu zela eta gizon batek hainbat errusiar belaunaldiri aldaketarako bidea ireki ziela adierazten duen istorio iradokitzailea da.
Signe Baumane
AEB - Letonia
88 min.
Signe Baumane animazio-zinemako zuzendari entzutetsuak bere familiako emakumeei eta eromenaren aurkako borrokari buruzko istorio pertsonala kontatzen du, bere burua barne hartuta. Metafora bisualez, irudi surrealistaz eta umore-sen bihurriz betetako pelikula da. Karlovy Varyko jaialdian FIPRESCI saria lortu zuen.
George Ovashvili
Georgia - Alemania - Frantzia - Txekiar Errepublika - Kazakhstan - Hungaria
100 min.
Karlovy Varyko zinema-jaialdiko Sari Nagusia irabazi zuen pelikula honek Abkhaziako gizon zahar baten eta haren biloba gaztearen istorioa kontatzen du. Enguri ibaiaren mailaren igoerak sortu duen uhartean artoa landatzeko asmoa daukate. Baina soldadu georgiarrak gertutik igarotzen dira...
Asier Altuna
Espainia
13 min.
Film laburra
Lur lehorra, eguzkia, haizea. Prozesio batek zeharkatuko du paisaia. Haren otoitzen oihartzunak euria ekarriko du.
Pedro González Bermúdez
Espainia
76 min.
Dokumentalean, aktoreak 1989ko Donostia saria jasotzeko Donostia Zinemaldira egin zuen bisita berregiten da: nola prestatu zen agur esateko eta zer arrasto utzi zuen berarekin harremanetan egon zirenengan.
Andrew Huculiak
Kanada
104 min.
Andrew Huculiak zuzendariaren lehenengo pelikula honetako protagonista Dagny da, bizikien maite izan zuten pertsonak oso garbi gogoratzen dituen gazte bat. Norvegiako paisaien edertasun ikusgarriak eta soinu-banda boteretsuak filmaren indarra handitzen dute. Karlovy Varyko zinema-jaialdian aurkeztua.
Kazuyoshi Kumakiri
Japonia
129 min.
Kazuyoshi Kumakiriren pelikula berria Kazuki Sakurabaren best-seller baten egokitzapena da eta Moskuko jaialdian pelikula onenaren eta gizonezko aktore onenaren sariak irabazi zituen (bigarrena Tadanobu Asano protagonistarentzat izan zen). Tsunami batek sortutako hondamendiaren ondorioz dena galdu ostean, hamar urteko neska bat, Hana, 26 urteko urrutiko senide batek adoptatuko du, Jungo Kusarinok. Bikotea aita-alaba gisa biziko da, galera-sentimendu sakona partekatuz. Hokkaidoko sakonera handiko elurretan, maitasun-gosez dauden beren bihotz hutsak mundu debekatu batean sartuz betetzen saiatuko dira Jungo eta Hana.
Mami Sunada
Japonia
120 min.
Ghibli animaziozko zinema-estudio ospetsuari buruzko film luze dokumentala da. Estudioko barnealdea ezagutzeko sarbide librea izanda, Mami Sunada zuzendariak Ghibliko kide nagusien urtebeteko jarraipena egingo du (Hayao Miyazaki zuzendaria, Toshio Suzuki ekoizlea eta «beste» zuzendaria, Isao Takahata zaputza), estudioa pelikula berriak, Miyazakiren The Wind Rises eta Takahataren The Tale of Princess Kaguya irrikatuak, prestatzen ari den bitartean. Horren emaitza, munduko animaziozko estudio ospetsuenetako baten lan-metodoaren ikuspegi berdingabea da; haren ametsena, grinarena eta zoramenaren mugatik gertu dagoen dedikazioarena.
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00 - 14:00 | 16:00 - 19:00.
Astelehenetik ostiralera: 09:00 - 14:00 | 16:00 - 19:00.
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.